WILLEMSTAD - Relashoná ku un kaso di sekuestro ku a tuma lugá dia 10 di yanüari 2024, personal di e Divishon di Krímen Organisá ku ta investigando e kaso, djárason dia 28 di febrüari 2024 alrededor di 09.20’or a hasi e di tres detenshon.

Ta trata di e hòmber H.C.T., di 33 aña di edat nasé na Kòrsou.

Seguidamente a tene un entrada hudisial riba òrdu di Fiskal di Ministerio Públiko na Daimariweg i a haña i konfiská artíkulonan ku ta di importansia pa e investigashon.

Detenshon di e sospechoso aki a tuma lugá na e adrès ariba menshoná.

Investigashon den e kaso aki ta kontinuá i no ta ekskluí ku lo bai tin mas detenshon.

A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.