WILLEMSTAD - Djadumingu 11 di ougùstùs 2019, alrededor di 19.40’or, Sentral di Polis a risibí informashon di un aksidente di tráfiko ku a tuma lugá na Grote Berg.

Na yegada di e unidat, nan a bin topa un dama drumi abou ku leshonnan grave i no tabata duna señal di bida.

For di investigashon preliminar ku polis a realisá na e sitio, a sali na kla, ku e dama a bai krusa kaya, nèt na momentu ku un vehíkulo tabata aserkando, biniendo for di direkshon di Westpunt i bayendo den direkshon di Zegu.

Alrededor di 21.30’or dòkter di polis a konstatá morto di e dama;

Claudine Maurice, nasé dia 28 di sèptèmber 1964, na Haiti, ku a bin fayesé a konsekuensia di e leshonnan ku el a risibí.

A konfiská e vehíkulo envolví pa mas investigashon.

Personal di tráfiko ta kontinuá ku e investigashon.