WILLEMSTAD – Polis a informá ku e víktima ku a bin enkontrá sin bida na Directeursbaai awe a keda identifiká komo Emilson Aresio Kirindongo, nase dia 8 di yanüari 1976 na Kòrsou.

Na mes momentu polis ta duna di konose tambe ku awe alrededor di 13.25’or, polis a detené un hòmber den e kaso di asesinato ku a tuma lugá dia 28 di desèmber 2021 na Kaya Paul de Lima.

Algu despues di 13.00’or e hòmber sospechoso E.E.E. di 26 aña di edat nase na Kòrsou a presentá na warda di reshèrshi, na unda el a keda detené pa e kaso di asesinato ariba menshoná i violashon di lei di arma di kandela. A presentá e sospechoso dilanti di un fiskal ouksiliar ku a ordená su enkarselamentu pendiente di mas investigashon.