WILLEMSTAD - Djabièrnè 26 di febrüari den oranan di anochi te ku djasabra 27 di febrüari den oranan di mardugá, personal di Departamentu di Tráfiko konhuntamente ku KMAR, a tene kontròl di tráfiko dirigí riba manehá un vehíkulo bou di influensia di alkohòl.

A kontrolá diesdos shofùr ku tabata duna indikashon di ta manehá un vehíkulo motorisá bou di influensia di alkohòl. Sinku di e shofùrnan mesora a haña prohibishon pa manehá nan vehíkulo i a kita reibeweis di e sobra shete shofùrnan i nan a haña un prosèsverbal.

Tur shofùrnan aki mester a buska un shofùr ku ta sobrio pa asina por a manehá e vehíkulonan i sigui nan ruta.

E kontròlnan aki lo kontinuá.

Kuerpo Polisial ta hasi un yamada na tur siudadano, ku si bo ta bai bebe alkohòl mihó no stür.