WILLEMSTAD - Djabièrnè 8 di aprel 2022 alrededor di 03.55’or, durante un investigashon ku polis a realisá den área di un klup nokturno den Saliña, polis a detené tres hòmber sospechoso.

Durante di e investigashon personal di UTS konhuntamente ku personal di warda di polis Otrobanda a kontrolá tres hòmber ku tabata pará huntu i a haña un di nan ku un arma di kandela den su poder i a konfiská esaki.

Ta trata di e hòmbernan:

Ø E.S.R. di 22 aña di edat;

Ø I.N.R. di 19 aña di edat;

Ø L.L.P. di 30 aña di edat, tur tres nasé na Kòrsou.

A presentá tur e tres sospechosonan dilanti di un fiskal ouksiliar ku a ordená nan enkarselamentu pendiente di mas investigashon

(Foto File di un arma)