WILLEMSTAD.- Ayera den oranan di anochi polis huntu ku Marechaussee a tene un kontròl dirigí riba lei di tráfiko spesífikamente riba stashonamentu kontra di lei. E tim akí a bai den e área di Pietermaai kaminda ku a tene kontròl. Durante di e kontròl akí a konfiská vários vehíkulo i tambe a klèm diferente vehíkulo. Tur shofùr lo risibí un but na momentu ku nan bin pa atendé ku nan vehíkulo ku a keda di klèm. Lo bai sigui ku mas di e kontròlnan aki kaminda lo atendé ku vehíkulonan mal stashoná i lo parti but pa tur persona ku ta faya ku regla.