WILLEMSTAD – Ayera personal di warda di polis di Rio Canario den koperashon ku personal di Departamentu di Tráfiko a tene un kontròl di tráfiko riba Schottegatweg-Noord na altura di warda di polis na Rio Canario, riba Sufiisantweg i F.D. Rooseveltweg.

A kontrolá 107 vehíkulo i a repartí 72 prosès verbal pa e.o. e siguiente violashonnan:

Manehá un vehíkulo sin:

*Reibeweis bálido;

*Seguro bálido;

*Karchi di kùr bálido;

*Impuesto di vehíkulo pagá;

*Plachi di number dilanti òf patras di e vehíkulo;

*Faha di seguridat bistí.

Manehá un vehíkulo miéntras:

*Ta papia na telefòn;

*Ku e winshil dilanti ta di plak;

*Ku e ko-okupante no tin faha di seguridat bistí.

9 vehíkulo a keda transportá pa Warda di Polis.

E kontròlnan aki ta kontinuá.