WILLEMSTAD – Ayera Kuerpo Polisial a tene kontrol di tráfiko na dos sitio diferente i un total di 219 vehíkulo a keda kontrolá i un total di 74 prosès verbal a keda repartí.

Tabata djamars 22 di mart 2022, entre 16.30’or pa 18.00’or, personal di Warda di Polis di Rio Canario i di Punda a tene un kontrol di tráfiko na altura di Van Krimpenlaan i Maasstraat.

Durante di e kontrol aki polis a kontrolá 99 vehíkulo i a parti un total di 38 prosès verbal pa diferente infrakshon kometé.

Mas den oranan di atardi i anochi, personal di Warda di Polis di Punda a tene un kontrol di tráfiko riba Dominico “Don” Martina Bulevar. Durante di e kontrol aki polis a kontrolá 120 vehíkulo i a parti un total di 36 prosès verbal pa e siguiente infrakshonnan kometé.

Pa manehá un vehíkulo:

Sin karchi di kùr bálido;

Sin seguro bálido;

Sin reibeweis bálido;

Sin plachi di number dilanti i patras;

Sin lus dilanti i patras;

Sin faha di seguridat bistí;

Ku winshil di plak skur;

E kontrolnan aki ta kontinuá.