WILLEMSTAD - Den e anochi di 13 pa 14 di febrüari, polis a kontinuá ku kontrolnan relashoná ku violashon di reglanan di Covid-19.

Den e anochi ei a repartí 15 but pa entre otro violashon di toke de keda, inkumplimentu di orario di sera i faltamentu ku distansiamentu sosial.

Tabatin establesimentu na unda tabatin baliamentu i otro muzik ku no ta muzik di fondo. E establesimentu aki a wòrdu sera i a kita tur kliente for di e sitio.

Un trùk di pan ku tambe a pasa ora di sera, a keda verbalisá i será.

Polis ta kontinuá ku e kontrolnan aki.