WILLEMSTAD - Djabièrnè 21 di mei 2021, entre 19.00’or i te ku djasabra 22 di mei, pa 02.00’or algun unidat formá pa diferente reshèrshi di RID (‘Recherche Informatie Dienst’) a tene diferente kontrol i tambe roadblock na e parti wèst di Kòrsou.
Nan a kontrolá 6 diferente lokalidat kaminda tabatin aktividat ku músika i hopi hende na e sitionan. Polis a repartí un total di 7 prosèsverbal pa entre otro aglomerashon i violashon di reglanan di Covid-19.
Alrededor di 23.20or pa 00.27’or, durante ‘roadblock’riba Schottegatweg Wèst a kontrolá 55 vehíkulo i 73 persona.
Akinan a repartí 10 prosès verbal pa violashon di e orario di toke de keda.
E kontrolnan aki ta kontinuá.