WILLEMSTAD.-Un ratu pasá polisnan a los bala riba hòmber den Julianadorp den e kaya Dwarsweg. E informashon inisial ta indiká ku e hòmber lo a kometé un kaso di atrako den e bario Suffisant na un ofisina di number. Polisnan lo a reakshoná sumamente lihé i a start un persekushon ku a bai den e área di Julianadorp.

Aparentemente lo ta trata di dos hòmber venesolano ku ta embolbí den e kaso aki, pero super bon trabou di polisnan ku a aktua mesora i mas ainda den Julianadorp un di e hòmbernan a tribi di los bala riba polis i mesora nos polisnan a kontesta i asina herida un di e hòmbernan. Polisnan a logra hasi detenshon i a konfiská e arma di kandela. Keda pendiente pa mas detaye den edishon di EXTRA.