WILLEMSTAD.- Den oranan di mardugá polis a tira un hòmber sospecha di ladronisia despues ku el a purba kore bai no opstante ku a dun'e òrdu pa e para.
Ta asina ku Polis a risibí informashon ku tin dos suheto sospechoso na Seru Fortuna Bieu na unda tin vários kas den konstrukshon. Na yegada di e patruya polisial a tuma nota ku e suhetonan tabata rankando un bentana for di un di e kas i mesora a duna nan òrdu pa para ketu pa nan detenshon. Ámbos suheto a disidí na e momento ei pa sali na kareda, pero rápidamente un di e agentenan a pone man riba un. E otro si a sigui kore tòg. Esaki a pone ku polis a lòs un bala riba dje ku a alkanse na su pia drechi. Despues ku a detené, el a keda transportá pa poliklínika pa risibí asistensia médiko. Ámbos sospechoso tin ku bai responsabilisá nan mes pa e kaso di ladronisia aki.