WILLEMSTAD.- Kaya ta ‘hot’, pero polis tambe ta atento. For di informashon preliminar no ofisial, t'asina ku ayera nochi den kareda di 11’or polis a ser notifiká di forma urgente ku tabatin un atrako tumando lugá riba kaya na altura di Kraamkliniek Rio Canario. Segun informashonnan ku EXTRA a optené, tres hòmber lo a bai tira atrako riba dos persona na e sitio menshoná. Pero a pone polis na altura inmediatamente. Un patruya polisial a yega i a lòs tiru dirigí riba nan. E proyektil a alkansá unu. Riba e foto aki por mira e sospechoso ku a keda alkansá pa e tiru for di e arma reglamentario di polis i tambe e dos arestonan ku polis a realisá.