Informashon di último ora ku EXTRA a risibí ta indiká ku polis a tira un hòmber sospechoso di atrako.
E suseso a tuma lugá riba Blanquillaweg. Un ratu pasa e sospechoso a kaba di komete un atrako riba un dama riba Schottegatweg West. Durante di e atrako e dama víktima a resultá levemente herida. Durante di un persekushon polis a kuminsá lòs tiru di atvertensia pa e hòmber para pa su detenshon, pero esaki a sigui kore. seguidamente polis a lòs un tiru dirigí ku a herida e sospechoso i kondusí na su detenshon. Ambulans a keda dirigí na Blanquillaweg a asina duna e sospechoso atenshon médiko.