PHILIPSBURG.- E departamento forénsiko di polis, huntu ku e personal nashonal di reshèrshi ta investigando un insidente ku a tuma lugá ayera mainta den kareda di 11 or na Cay Bay Road, St. Maarten, durante kua un sospechoso peligroso a keda detené. Esei EXTRA por a komprondé for di notisianan na St. Maarten.

E sospechoso aki ta un persona ku hustisia tabata pidi su búskeda pa ekstradishon en konekshon ku un kantidat di kaso di atrako. Aparte di esei el a kore pa hustisia i asina trata di frustra su aresto.

N’e momentunan ei e sospechoso tabata den un vehíkulo den su intento di huida el a dal den dos vehíkulo polisial, i komo resultado di su akshon, polisnan a haña nan fòrsá di lòs diferente tiru dirigí riba dje. Un dje balanan a alkansá e hòmber i asina e por a keda detené dor di polis.

Despues di su aresto, personal di ambulans a duna e sospechoso promé asistensia, i finalmente el a ser transportá pa St. Maarten Medical Center. Miéntras tantu e investigashonnan ta kontinuá.

LAGA UN KOMENTARIO

Please enter your comment!
Please enter your name here