WILLEMSTAD.- Famia di e dama Rochelle Teresita Amalia nasé na Kòrsou di 39 aña di edat i tambe polis ta pidi su búskeda.

Djaluna último alrededor di mitar di un, Rochelle a sali su kas pa bai kumpra kos i no a regresá. E dama a manda un mensahe den app pa su mama di kriansa na Hulanda kaminda el a indiká di tin ménos bon intenshon.

Rochelle tin e siguiente deskripshon:

Haltura: 1.65 m;

Postura: balente;

Kabei: gueni peña;

Koló di kueru: maron;

Koló di wowo: maron skur.

Na momentu ku Rochelle a sali kas e tabatin un shimis pretu ku flor blanku bistí i un slòf na

pia. Tambe e dama tin un tatuahe “Mishanou” na e parti ariba di su man robes i na e parti abou, “Otmar”. Na su pia drechi e tin flor tatuá i riba su pechu na e banda robes tin e nòmbernan “Rochelica”, “Rochallen” i “Reugene”.

Polis ta supliká tur persona ku por duna kualke informashon tokante di paradero di Rochelle pa tuma kontakto ku polis na number di telefòn 917 òf e number anónimo 108.