WILLEMSTAD – Kuerpo polisial ta informá ku e tim multi-disiplinario formá pa polis i M.E.O. a kontinuá ku kontrol i den e anochi di 11 di novèmber pa mardugá di 12 di novèmber a kontrolá 9 establesimentu, a duna 2 di nan atvertensia miéntras ku a sera 4 negoshi.

Diferente di e negoshinan ku a wòrdu será, tabata pa motibu di muzik ku no tabata wòrdu permití na e sitio. Ta bon pa bolbe enfatisá ku na snèk no por tin DJ ni karaoke sin un pèrmit bálido pa esaki.

Establesimentunan di kua a para nan operashon, ta pa motibu ku den pasado ya nan a risibí atvertensia di parti di e tim.