WILLEMSTAD.- Polis (KPC) ku yudansa di militarnan di Defensa ta bezig na e momentonan aki ku 3 entrada hudisial na diferente adrès ku ta inkluí un parti di mondi den área di Seru Fortunaweg. Esaki pa motibu di informashon ku a drenta riba e posibilidat di presensia di 1 òf mas arma di kandela. E búskeda ta bou di liderazgo di un Fiskal Ousiliar di KPC i bou di responsabilidat di un Fiskal di Ministerio Públiko ku tambe ta presente. E investigashon ta tumando lugá na e momentonan aki. KPC a duna di konosé ku mas despues den dia por duna mas informashon si tin motibu pa esaki.