WILLEMSTAD -  Kuerpo Polisial ta risibiendo diferente pregunta tokante di e piloto Kolombiano, Guillermo Nuñez ku desde algun luna pasá a yega nos isla i ku entre tantu ta pèrdí aki na Kòrsou.

Polis por konfirmá ku bèrdat e persona aki a drenta nos isla dia 21 di mei 2022 ku un buelo komersial i dia 27 di mei 2022 el a bandoná Kòrsou ku destino Boneiru. E persona aki despues di e fecha ei, nunka mas a drenta Kòrsou, pues konsekuentemente no ta registrá tampoko komo pèrdí aki na Kòrsou.