WILLEMSTAD.- Relashoná ku kambio di aña i e tradishonal ‘Ban tende tiru den union’, polis awe a publiká e siguiente medidanan a ser tumá pa garantisá òrdu públiko i tambe un bon desaroyo di tráfiko den i rondó di e área ei:

1. 
   

2. Djadumingu 31 di desèmber 2023 for di 22.30’or te ku djaluna promé di yanüari 2024 pa 01.30’or, no ta permití tráfiko motorisá ni baiskel ni trafikashon di hende na pia riba brùg Juliana den ámbos direkshon, ku eksepshon di vehíkulonan ku ta duna asistensia.

3. 
   

4. Djadumingu 31 di desèmber 2023 for di 22.30’or te ku djaluna promé di yanüari 2024 pa 01.30’or, no ta permití tráfiko motorisá riba e parti di Arubastraat for di e krusada ku Hoogstraat den direkshon di brùg Juliana, ku eksepshon di vehíkulonan ku ta duna asistensia.

5. 
   

6. Djadumingu 31 di desèmber 2023 for di 22.30’or te ku djaluna promé di yanüari 2024 pa 01.30’or, no ta permití tráfiko motorisá riba e parti di Abraham Mendez Chumaceiro Boulevard den direkshon di brùg Juliana, ku eksepshon di vehíkulonan di asistensia.

7. 
   

Polis ta duna di é ku brùg Emma lo ta durante di kambio di aña únikamente aksesibel pa trafikashon na pia. No ta permití pa pone stul, banki ni otro opheto riba e brùg aki ni tampoko no ta permití pa hasi alaparia riba brùg. E petishon na tur siudadano pa sigui tur instrukshon duná dor di outoridat mesora i estrikto.