WILLEMSTAD.- Kontinuando ku investigashon relashoná ku kaso di asesinato ku a tuma lugá 6 di yanüari 2020 na Kaya Neblina, polis a tene dos entrada hudisial.

Djárason 30 di sèptèmber 2020, alrededor di 04.30 or e tim ku ta investigá homisidio konhuntamente ku tim di aresto a tene entrada hudisial den un kas na Kaya Strena i na Kaya Meteorológiko.

Riba e dia en kuestion alrededor di algu promé ku mitar di ocho, Sentral di Polis a risibí informashon ku den Kaya Neblina na Ser’i Papaya  tin un kaso di tiramentu i ku tin un hòmber gravemente heridá. Na yegada di e promé unidat, a topa ku un hòmber drumi abou den situashon kritiko ku diferente herida di bala na e parti ariba  di su kurpa. A pidi presensia di ambulans, pero e personal no por a hasi nada mas pa e víktima.

Dòkter di polis ku tambe a yega na e sitio, a konstatá morto di e hòmber Jahier Rudolph Evertsz, nasé na Kòrsou dia 13 di yanüari 1990. For di investigashon preliminar a sali na kla ku tabatin problema entre algun hóben inkluyendo ruman di e víktima kual no tabatin nada di aber ku e diskushon pa asuntu di tiramentu di dònderbos riba otro. Despues a surgi un bringamentu ku a terminá ku un tiramentu den Kaya Neblina, ku e konsekuensia ariba menshoná.  Polis ta pone na konosementu di komunidat ku personanan ku ta duna oportunidat na, òf koperá ku sospechosonan pa keda for di gara di hustisia pa delitonan kometé, lo tin ku

karga konsekuensia di esaki.

Investigashon den kaso ariba menshoná ta kontinuá.