WILLEMSTAD.- Relashoná ku kaso di tiramentu i atrako arma, Polis ta pidi búskeda di e hómber sospechoso Nadjir Rashid Josias Rijnschot.

Nadjir ta enbolbí den un kaso kaminda dia 29 di aprel 2021 a pasa tira ku arma di kandela riba un kas den e bario di Kirindongo Abou. E dia ei, e víktima a skapa na wowo di angua. Tambe bou di menasa ku arma di kandela a drenta e kas na Kirindongo Abou i bai ku artíkulonan. Relashoná ku e kaso ariba menshoná, polis riba òrdu di Ministerio Públiko a detené e hòmber sospechoso A.M. di 20 aña di edat, riba 7 di mei 2021.

Petishon di reshèrshi ku ta enkargá ku e investigashon aki, ta pa Nadjir Rijnschot mèldu na Warda di Reshèrshi.

Tambe polis ta supliká kualke persona ku por duna informashon di paradero di e sospechoso Rijnschot, pa tuma kontakto ku polis na number di telefòn 917, e number anónimo 108  òf e tim enkargá ku e investigashon na number 724-6218 / 724-6227.

LAGA UN KOMENTARIO

Please enter your comment!
Please enter your name here