WILLEMSTAD,-  Fiskal durante kasonan di infrakshon di tráfiko, a hasi un demanda di 6 siman pa shofùr ku a keda gará pa 15 biaha sin reibeweis.

Apesar kuantu bia Ministerio Públiko a atvertí  outomobilistanan di e konsekuensianan ku kore sin reibeweis por trese kuné  i tambe a kuminsá duna kastigunan kondishonal di prizòn pa ku esaki, tòg tin personanan ku apesar di a haña atvertensia na vários okashon ,  ta sigui kore outo sin reibeweis.

E akusado A.I. no a presentá den sala pa trata su kaso.

E ta keda akusá ku dia 17 di yüli último na altura di Caracasbaai wèg, el a keda para pa polis di kual pa di 15 bia e no tabata dispone di su reibeweis.

Fiskal a bisa ku esaki awor ta basta i a hasi e demanda ariba menshoná.

Hues den su desishon a splika ku e tin ku desviá for di e demanda di fiskal, pa motibu ku ta promé bes ta ehekutá un kastigu di prizòn kondishonal pe .

Segun hues esaki ta nifiká ku no por duna e shofùr un kastigu di prizòn dje haltu ei  e promé bes segun lei.

Mirando esaki hues a baha e kastigu i a konden’é na 2 luna di prizòn kondishonal pa un periodo di prueba di 2 aña.

Pues si bolbe haña e akusado ta kore outo  sin reibeweis den e periodo di 2 aña, e tin ku bai sinta dos siman den prizòn.