WILLEMSTAD. - Hóben ku a keda heridá pa bala di arma di kandela, un ratu pasá Bosero Polisial a konfirmá ku e hóben a fayesé. Ayera mardugá, algu pasá di 1’or, polis a bai ku urgensia na Roi Santu pegá ku Bakkerij de Zon pa un kaso di tiramentu. Einan nan ta topa ku un hóben heridá i ku urgensia a transporté pa Poliklinika. E esfuersonan hasí pa skapa e hóben su bida no a duna resultado. Awe mainta e ta fayesé. E ta bira e di 11 persona asesiná pa e aña aki.