WILLEMSTAD.- Kuerpo polisial ta tuma nota ku ketu bai, durante di kontrol, ku demasiado outomobilista no tin nan plachi di number pega dilanti di nan outo, ku otro palabra no ta duna oido na atvertensia ku polis i Ministerio Públiko a emití djabièrnè 25 di mei último.
Lei di tráfiko (Wegenverkeersverordening Curaçao) ta indiká: E plachi di number mester ta bon visibel pegá na e parti dilanti di e vehíkulo, pues no den outo tras di winshil. E meta di e lei ta ku polis na tur momentu mester por mira i lesa e plachi di number. Tambe si por ehèmpel nan mira e outo ta bin for di direkshon kontrali. Pues tambe di un distansia, ora ta skur òf ora solo ta bria riba winshil. Esun ku no pone e plachi di number na e lugá indiká riba e outo, ta stroba mantenshon di órden di echonan kastigabel. Pa e motibu aki ta introdusí entrante awe un otro i maneho mas stringente:
• outo sin plachi di number parti pafó na parti dilanti di e outo por keda konfiská (in bewaring genomen)
• ta bai ku bo outo riba gastu di e shofùr
• ta duna e outo bèk despues ku a paga kran i gastu di warda e vehíkulo
• ta duna e outo bèk ora e plachi di number ta pegá korektamente
• banda di esei ta entregá e shofùr un but den forma di un prosèsverbal (but)
Esaki ta e di dos atvertensia di polis di OM i otro siman ta kuminsá konfiská vehíkulonan ku plachi di number no ta pegá konforme lei.