El a sali kas for di 7 di yüni último

WILLEMSTAD.- Polis ta pidi búskeda di otro hobensita ku ta bandoná su kas sin regresá.

Esaki ta di tantísimo kaso ku hobensitanan ta sali nan hogar sin bini mas. Den e kaso aki e hóben Daniela Sasha Jean, nasé na Kòrsou di 14 aña di edat, a sali su kas den kaya Aura Winkel djabièrnè 7 di yüni último mitar di 7 di anochi i no a regresá.

Daniela tin e siguiente deskripshon:

Haltura 1.70 m; postura balente; forma di kara oval; kabei krùl / flèktu ku kabei falsu;koló di wowo maron skur i koló di kueru maron kla.

Polis ta supliká tur persona ku por duna kualke informashon tokante di e hóben aki pa tuma kontakto ku polis na number di telefòn 917 òf e number anónimo 108.

Alabes ke rekordá ku tene un persona ku ta wòrdu buská pa outoridat skondí, ta un akto kastigabel pa lei.