WILLEMSTAD.- Polis ta pidi búskeda di e hóben Roossellis Paech di 17 aña di edat. Djabièrnè 17 di mei 2024, den oranan di mainta trempan e hóben aki a sali for di un instansia kaminda e ta keda den área di Maishiweg direkshon pa skol. Alrededor di 11’or ora ku a bai busk’é na skol, e no tabatei mas.

Roossellis tin e siguiente deskripshon:
Forma di kara: oval
Kabei: kòrtiku;
Koló di wowo: maron skur;
Koló di kueru: maron kla;
Na momento ku Roossellis a sali pa bai skol e tabatin unifòrm di skol bistí i kèts na pia.
Polis ta supliká tur persona ku por duna kualke informashon tokante di e hóben aki pa tuma kontakto ku polis na number di telefòn 917 òf e number anónimo 108.