WILLEMSTAD.- Un biaha mas otro hóben ku ta kedando na JJIC/GOG a logra hui. Polis ta pidi búskeda di e hóben, Nathaniela Paula, nasé na Kòrsou di 16 aña di edat.  For di djaluna 13 di yanüari 2020,  alrededor di 3 or di atardi, Nathaniela a hui bai for di un skol di baile den área di Goisco i no a regresá JJIC/GOG mas.

Nathaniela tin e siguiente deskripshon:

Postura: normal;

Kabei: krùl pretu;

Koló di kueru : maron kla;

Koló di wowo: maron skur.

Na momentu ku Nathaniela a sali JJIC/GOG e tabatin un jeans ku un suèter ros bistí i na pia sapatu koló ros ku pretu.

Polis ta supliká tur hende ku por duna kualke informashon tokante di Nathaniela pa tuma kontakto ku polis na e number di telefòn 917 òf na e number anónimo 108.