WILLEMSTAD - Tim di Atrako ta pidi koperashon di komunidat pa informashon relashoná ku un atrako kual a tuma lugá djasabra 15 yanüari 2022 den Timoteanweg.  Riba e dia en kuestion dos hòmber sospechoso bou di menasa ku arma di kandela a atraká habitantenan di e kas na Timoteanweg i a bai ku un tas den kua tabatin basta mil dòler.

Siguiente dia polis a haña e tas aki bashí i kimá den área di Groot Santa Martha.

Un supliká ta bai na tur persona ku por tin informashon tokante di e atrako aki, pa pasa esaki pa polis.  Por hasi uso di number di telefòn di tim di atrako ku ta 724-6241 òf e number anónimo 108.

Huntu nos ta logra.