WILLEMSTAD.- Djárason último tres tipo sin eskrúpulo a purba tira atrako na un krèsh pero e akto aki a frakasá.

Den kareda di 5 pasá di diesun di mainta e tres tiponan a bula den kurá di un krèsh i bai dirigí na e edifisio. Komo e personal a aktua lihé a sera tur porta i bentana. E hòmbernan a bula e muraya bèk i bandoná e sitio den un vehíkulo blanku sin plachi di number.

Outoridatnan ta hasi un supliká na kualke persona ku a mira òf sa algu pa por fabor tuma kontakto ku polis na number di telefòn 917 (24 ora pa dia) òf e liña anónimo 108.