WILLEMSTAD - Djaluna 25 di mei 2026 alrededor di 19.38’or, Sentral di Polis a risibí informashon ku personanan tabata tratando na reanimá un sambuyadó den area di rif.  Na yegada di e unidat el a bin topa enberdat algun persona na kantu ku tabata reanimando un hòmber.

For di deklarashon di un otro hòmber ku e víktima tabata huntu kuné, polis a komprondé ku nan dos tabata sambuyando na un distansia for di kosta i dado momentu e hòmber no tabata reakshonando.

Mesora e kompañero a sak’é for di awa i pone na kantu, miéntras ku ya e tabata for di su konosementu.

Personal di ambulans ku a yega rápido na e sitio, a kontinuá ku reanimashon pa despues transportá e hòmber ku ta un turista, den situashon hopi krítiko pa C.M.C.

Mas lat a drenta e tristu notisia ku e víktima a fayesé.