WILLEMSTAD.- Por lo pronto ta keda prohibí pa bini ku karni òf produkto nan di karni for di Repúblika Dominikana i Haiti na Boneiru. Na Repúblika Dominikana nan a diskubrí e pèsta di malesa di porko afrikano i esaki ta altamente kontagioso. Pa e motibu aki a prohibí uso di wòrs, chòrizo i salami for di Repúblika dominikana. E pèsta di malesa di porko afrikano aki ta hopi kontagioso i dañino pa e porko nan pero tòg e no ta peligroso pa hende i pa kualke kontaminashon e no tin konsekuensia pa e seguridat di alimento,segun e gobièrnu di Boneiru.