WILLEMSTAD – Un aksidente sumamente lamentabel a tuma lugá den pleno sentro di siudat. Esaki a tuma lugá na e negoshi di Crocs den Punda. Un mucha di 3 aña turista di bishita riba nos isla a hañ’e enbolbí den e aksidente basta serio aki. Ta asina ku e porta di e negoshi pa un motibu off otro a los i bin kai riba e hóben ku a okashoná un herida basta serio. Tambe pa motibu di e impakto e hóben a bin kai dal su kabes. Ku hopi urgensia a transportá e víktima hóben pa CMC. Awe tin dos barku di turista bishitando Kòrsou. No por bisa ku tur seguridat si e famia ta di un di barkunan. Outoridatnan polisial a sera e kaya pa hasi nan investigashon. No tin duda ku outoridatnan di turismo lo duna atenshon na e famia afektá aki.