Gabinete ta pone 675 mion euro

DEN HAAG.- Tur kos ta indiká ku e gabinete demishonario di Mark Rutte lo pone sèn disponibel pa subi salarionan di esnan ku ta traha den kuido. Ta trata di un suma di 675 mion euro ku ta nifiká ku e salarionan mediano den kuido lo subi ku 1.5%. Pa kubri e oumentu aki e gabinete ta pensa pa subi prima di seguro médiko kada aña ku 13 euro.

Banda di subi prima lo bai tambe serka dunadónan di trabou, penshonadonan i esnan independiente pa nan tambe paga 0.05% mas tantu. Oumentu di salario pa esnan den kuido no ta algu nobo, ta for di aña pasá tin diferente polítiko ulandes ku a kuminsá ku e gritu aki. E lider di PVV Geert Wilders a presentá un moshon den Tweede Kamer i danki na un fayo di un miembro di koalishon ku su moshon a haña mayoria.

Ora ku e gritunan ei a lanta kabes a gabinete di Rutte no kier a duna oido, sinembargo esei a kambia siman pasá. No ta muchu kla si esaki lo tin di aber ku e esfuersonan pa forma un gobièrnu nobo. E dianan aki Parlamento ulandes ta den e asina yamá ‘Algemene Politieke Beschouwingen’.

 

LAGA UN KOMENTARIO

Please enter your comment!
Please enter your name here