WILLEMSTAD.- Hefe di servisio Meteorológiko di Kòrsou Albert Martis awe mainta durante relato di dia di Gobièrnu di Kòrsou a bisa ku: ‘E sistema ku nos ta sigui pa algun dia ta oumentá.’ Servisio Meteorológiko ta splika ku te ainda e ta un disturbio. ‘E ta moviendo den direkshon wèst i e lo krusa nos pais sùit. Entre 7 i 9 or di anochi lo krusa nos pais.’ Ta splika ku te ainda por desaroyá na un tormenta promé ku e ta yega Kòrsou. Segun Meteo entre 1 or di mèrdia i 8 or di anochi por tin bientu hopi fuerte naKòrsou. Por kousa problema ku awa na sierto barionan.
Tur di esaki tin di aber ku un Potensial Siklon Tropikal ku awe mainta a situá mas o menos 214 km suitost di Boneiru i te ainda ta produsí áwaseru moderá te fuerte riba laman Karibe.

LAGA UN KOMENTARIO

Please enter your comment!
Please enter your name here