Polis lo yega bo kas pa kontrolá kumplimentu

WILLEMSTAD.-Dr. Izzy Gerstenbluth huntu ku polis a anunsiá ku a bolbe krea e posibilidat di tene karentena na kas pa hendenan ku bini for di eksterior. Esaki a bira posibel atrobe debí ku e kantidat di hende ta manehabel. Huntu ku polis lo hasi e kontròl. No solamente GGD ta yama na kas pa chek si e hende ku mester ta den karentena ta kumpli ku e palabrashon pero polis ta kore yega na e kas kualke dia i ora pa chek si ta kumpli ku e karentena.

Gerstenbluth a bisa ku e éksito di Kòrsou ta e echo ku ta monitor tur hende ku drenta. Esei ta eksigí ku mester di hende pero e ta duna fruta. E kambio aki ta drenta na vigor djabièrnè 14 ougùstùs. Un eksigensia ta ku mester pidi pèrmit na “reisverificatie” prome ku biaha pa Kòrsou. Hendenan ku awor aki na den karentena den un hotèl por mèldu na GGD i kaba por bai kas. E momentu ei e kontròl na kas ta kuminsá. Gerstenbluth a enfatisá ku nan ta komprondé e deseo pa habri mas tantu, pero mester kuida salu di e komunidat aki. Mas detaye den edishon di EXTRA.