Update:

Aqualectra ta informá ku henter Kòrsou a pèrdè koriente alrededor di 10:15 awe mainta. “Nos por papia di un asina yamá “Blèkout”. Ainda ta buskando e orígen di e blèkout pero e promé informashon ta mustra ku esaki probablemente tin di haber ku un Transformador na Refineria Isla ku pa motibu di un kandela a kai afó.  Esaki tabata tin komo konsekuensia ku e ret di koriente manehá dor di Aqualectra a kai afó den su totalidat. Nos tim di téknikonan ta trahando duru pa solushoná e suseso aki, ku for di aña 2006 no a tuma lugá, na Kòrsou. Ta den ekspektativa ku den aproksimádamente dos ora Kòrsou kompletu tin koriente bèk. Nos diskulpa pa e inkumbenensha”

Willemstad.- Un ratu pasa koriente bai praktikamente rònt Kòrsou. Áreanan manera Saliña, Sta.Maria, Montaña, Otrobanda i algun mas a konfrontá problema. Den komunikashon ku Aqualectra EXTRA a komprondé ku e situashon ta basta serio.  Keda pendiente pa mas detaye