WILLEMSAD.-EXTRA a tuma nota ku e kompania Curoil a tuma prekoushon pa asina pèrkurá ku por sigui suministrá komunidat ku kombustibel. For di ayera tin hendenan ku ta insinuá ku lo tin problema ku kombustibel riba kua Curoil di forma hopi determiná a refutá di forma kategóriko. Curoil bon kla a mustra ku no tin problema ku kombustibel. Pa mas ku un aña kaba Curoil ta buskando kombustibel for di eksterior, debí na e situashon di refineria. Pues e situashon di refineria práktikamente no ta influensiá suministro di kombustibel na komunidat.

Curoil a tuma tur prekoushon, pues no ta na nodi pa bai para den ningun rei na pòmp. Tantu Kòrsou komo Boneiru ta sigui haña tur produkto normal.