WILLEMSTAD Promé Minister sr. Gilmar Pisas, mirando e situashon di wer i tur e konsekuensianan ku esaki ta tresiendo kun’é, a presentá na trabou mesora pa sinta reuní ku e tim di kalamidat, pa monitoriá i evaluá kiko ta e stapnan ku gobièrnu por bai tuma.
Promé Minister sr. Pisas ta pidi pa keda pendiente pa mas informashon pronto di parti Gobièrnu di Kòrsou. Por tuma nota di esnan presente: sr. Lesley Fer di DRR, sr. Albert Martes di Meteo, sra. Melissa Arias di GMN, sr. Raymond Ellis di KPC, sra. Graciela Waandels di DRR, sra. Anagertrudes Rodriguez di Brantwer Kòrsou i sr. Maharo Isenia di Departamentu di Komunikashon.
