WASHINGTON/WILLEMSTAD - Djaweps Presidente Joe Biden riba su promé dia na ofisina, a anunsiá medida nobo ku ta enserá tur pasahero internashonal ku ta yega Merka mester bai den karentena. Ainda no tin klaridat ki dia esaki ta drenta na vigor i tampoko di ki forma esaki lo keda ehekutá. Ta papia di un periodo di karentena propio.

Den su deklarashon Presidente Biden a informá e pueblo merikano ku e mensahe pa nan ta prepará pa medidanan mas drástiko, bisando ku e kantidat di morto di Covid-19 lo surpasá mei million den próksimo luna. “Nos ta den un emergensia nashonal. A yega ora pa nos kuminsá trat’e asina,” Biden a bisa, poniendo aserka ku e ke restorá konfiansa di públiko den e gobièrnu nobo.

Pues awor aparte di  ku tin obligashon ku mester presentá un Covid tèst negativo, pasahero nan ku ta drenta merka mester drenta karentena na yegada.