WILLEMSTAD – Direktiva di Fundashon pa Skol Humanista na Papiamentu  (FSHP) a informe di e tristu deber ku nan presidente Su Girigori a bai laga nan.

“Sin mas, e notisia aki a konmové nos profundamente. Tabata algu inesperá, ya ku dos siman pasá el a pasá na kantor i na skolnan di FSHP den kondishon bon i saliendo ku su máskara  bisando ainda pa nos kuida nos kurpa kontra COVID i pa mesun Covid aki den ménos ku dos siman rank’é for di e mundu aki.”

Ora un ser kerí muri no tin forma pa evitá tristesa i sintimentu di duele profundo di sa ku awor Su Girigori ya no ta huntu ku nan mas .

entu di tristesa ta ku su famia na kua nos kier manda nos kondolensia.”

Su Girigori a funshoná den direktiva di FSHP den e último añanan aki komo presidente di Fundashon te ku awor. El a surgi den un proseso di restrukturashon den FSHP kaminda a mara pioneronan di FSHP ku sanger nobo i hóben, pa siguí ku e lucha di nos skol Humanista na  Papiamentu. Su a tuma e batuta komo presidente kaminda e tabata defendé Papiamentu , nos patrimonio nashonal, komo lenga vehíkulo den enseñansa.

Pa e kantidat di añanan ku nos konosé Su Girigori  FSHP a eksperensi’é komo un bon presidente.

“Nos lo keda rekordá nos presidente, gradesido pa loke el a nifiká pa nos fundashon i pa nos personalmente.​ Direktiva di FSHP lo sinti falta di su presidente. Su ayó, te despues.”