UPDATE: Nota di Ministerio Públiko

WILLEMSTAD.- E detenido E.V. a yega Kòrsou djadumingu 23 di yüli for di Ulanda. E tabata será den un prizòn na Ulanda despues di un intento di huida for di prizòn SDKK na final di 2014. Tambe el a hui na yanüari 2013 for di un bus di LBD ku a transporte di prizòn pa Korte pa tratamentu di su kaso.  E traslado tabata den kuadro di seguridat den prizòn.

E traslado temporal pa Ulanda tabata den kuadro di un “onderlinge regeling” ku tin den Reino.

El a keda sentensia na 2012 dor di korte den Promé Instansia i na 2013 dor di Korte den Apelashon na un kastigu di prizòn di 20 aña i 9 luna pa asesinato di Gershwin Marquita i tambe sekuestro di un persona.