WILLEMSTAD.- Ayera mainta trempan personal di seguridat di prizòn a bati alarma despues di a tuma nota ku den blòk 5, tur detenido a lanta kontra di un grupo di 5 otro detenido.

E diskushon aki a terminá den un kaso serio di hinkamentu. E “sospechosonan” a hinka nan víktimanan ku opheto skèrpi ku a keda trahá den e sentro mes.

Di e grupo di 5 “víktima” 3 a keda isolá pa nan seguridat i e dos otro ku a resultá heridá a keda transportá ku urgensia pa departamento di emergensia di CMC pa tratamentu médiko avansá. Ta trata aki di e detenidonan di inisial  R.L  i J.L ku a keda heridá na altura di man i pia. Lástimamente un di e detenidonan aki a pèrdè un dede.

E investigashon lo kontinuá pa outoridatnan di Kuerpo Polisial.