WILLEMSTAD.- Prezunan ku tin di sali ku banchi ta indigná. Ta for di 1e di yanüari banchinan lo mester tabata disponibel. Esaki manera nan a bisa EXTRA parse ku ta minister di hustisia mes a bisa for di aña pasá.

Manera ta konosí, 2020 a marka komo un aña ku basta diskushon riba e tan famoso banchi pa prezunan. Esaki ta basá riba un dekreto kaminda prezu ku falta sierto tempu pa sali, por bin na remarke pa banchi. E banchi ta nifiká ku e ta bai kas pero ta keda di monitòr.

Ta hopi prezu a sinti ku nan a keda perhudiká aña pasá pasobra no tabatin banchi disponibel. E asuntu di banchi aki a keda asta menshoná den kasonan den korte. Dado momentu manera e prezunan a splika EXTRA, minister di hustisia ku a primintí ku pa 1e di yanüari 2021 lo tin banchi nobo disponibel.

Nos a yega 1e di febrüari 2021 te parse i ainda nada di banchi.

Nan ta konsiderá esaki un mentira di parti di minister di hustisia, ku asta, manera nan a bisa EXTRA, a bishitanan den prisòn riba dia di tata, lo a hasi nan promesa pero awor ta resultá ku no tin nada di bèrdat pasobra banchinan no tei.