WILLEMSTAD – Bosero di Ministerio Públiko, Norman Serphos a a duna di konosé ku resientemente e área riba Sentro di Detenshon i Korekshon Kòrsou (prisòn SDKK) na Koraal Specht a bira un ‘no fly zone’. Esaki konforme un anunsio di Ministerio di Tráfiko, Transporte i Planifikashon Urbano (VVRP). Ta prohibí konforme e proklamashon pa bula bou di 2.500 pia riba prisòn SDKK. Esaki ta konta pa tur loke ta kai bou di aviashon, inkluso drones.

Konforme artíkulo 87 di Landsbesluit Luchtverkeer 2005 ta riska un kastigu di prisòn di maksimal 1 aña i/of un but di 35.000 florin.