WILLEMSTAD.-Informashon a kuminsá sirkulá den komunidat i spesialmente riba retnan sosial indikando ku supuestamente gerensia di Prizòn lo a pone algun wardadó di prezu riba “non aktief” debí na sospecho ku e trahadónan aki lo a tene relashon seksual ku hendenan indokumentá ku ta den barak spesialmente pa esnan indokumentá.

Gerensia di Prizòn den un nota na prensa ta desmentí esaki, indikando ku nan tambe a tuma nota di e informashon pero ku esaki lo no ta kuadra. Gerensia di Prizòn ta indiká tambe ku no tin ningun investigashon ni tampoko niun di nan trahadónan no ta riba “non aktief” pa aktonan inmoral kontra hendenan indokumentá.