WILLEMSTAD.- Awe mainta a surgi un problema serio na Curaçao Refinery Utility (CRU) ántes BOO. E fayo a surgi banda 9:30 i esei a pone ku CRU a keda kompletamente paralisá. Téknikonan di CRU ta buskando unda e problema a originá i tambe pa haña sa e kousa eksakto ku a kondusí na e fayo, asina Henry Barbolina di CRU a deklará na EXTRA.

Na e momentu ku nan sa e kousa di e problema ta kuminsá ku e trámitenan pa start e operashon bèk. E problema ta ku den nan sistema, ku ta produsí 30kv, a surgi un korto sirkuito  i esei a protehá su mes i kita koriente. Ta pa e motibu ei ku tur e produkshon a kai.  Mester buska e motibu di e korto sirkuito pa elimin’é kaba por pone koriente di nobo. Pues ta ora ku kaba por start e produkshon atrobe.

Refineria Isla tambe a shutdown kompletu. Ounke segun informashonnan, Isla ya kaba tabatin intenshon di para su plantanan pa motibu ku nan krudo ta kabando i no tin barku den perspektiva. Banda di esei ta asina ku ora no tin koriente mester para e plantanan di isla.