WILLEMSTAD.- Prof. Dr. Alejandro "Jandie" Paula, konsiderá komo un eminensia den e komunidat di Kòrsou, a fayesé. Esei EXTRA por a komprondé di su famianan awe mainta. Manera ta konosí, Jandie Paula, a fungi komo Rektor Magnífiko na nos universidat nashonal. Komo un persona hopi respetá den komunidat, dado momentu asta el a asumí e funshon di Promé Minister den un situashon di urgensia. Dr. Jandie Paula su nomber a keda inmortalisá na momentu ku a dediká henter un skol na su nòmber. Loke ántes nos tabata konosé komo Peter Stuyvesant College awe ta hiba di nòmber Kolegio Alejandro "Jandie" Paula. Despues di a hiba un lucha atenas pa motibu di malesa, Jandie a bin fayesé den seno familiar na edat di 81 aña. Di parti di EXTRA ta bai nos palabranan di kondolensia na su famianan. Komunidat di Korsou a pèrdè un hòmber grandi den hopi sentido.