Jurickson Profar (San Diego Padres) a bai di 5-2 ayera ku dos kareda empuha i un kareda anotá. El a konektá su di 15 honron di temporada i su di 34 doblete. Ademas ku un hungada espektakular bulando di kabes pa saka un out den leftfield

Xander Bogaerts (Boston Red Sox) a bai di 5-0 ayera pero ku bunita hunga defensivo

Jonathan Schoop (Detroit Tigers) no tabatin wega ayera

Kenley Jansen (Atlanta Braves) no a mira akshon ayera

Ozhaino Albies (Atlanta Braves) a leshoná su dede i lo ta for di akshon por lo pronto

Chadwick Tromp (Atlanta Braves) a bolbe sufri un leshon di spir hungando den un wega di rehabilitashon den Liga Menor

Didi Gregorius (Philadelphia Phillies) a keda laga den libertat. Pendiente awor si un otro ekipo ta yama pa ofresé un oportunidat nobo

Hensley Meulens (New York Yankees) a keda nombra ofisialmente awe pa bolbe tuma rienda di e selekshon ulandes komo manager. Su tarea prinsipal lo bira pa guia e selekshon di Reino den próksimo World Baseball Classic ku lo tuma lugá na komienso di otro aña. Ulanda ta den grupo ku Chinese Tapei, Cuba, Italia i un otro pais ku mester klasifiká ainda. Den e último World Baseball Classic na 2017, Henlsey Meulens tabata manager tambe i e ekipo di Reino a yega te semi final na Los Angeles i a finalisá e torneo ei na di 4 lugá

Play of the Day

LAGA UN KOMENTARIO

Please enter your comment!
Please enter your name here