Prof. Duits i dr. Gerstenbluth: Desmaskará mal informashon
WILLEMSYAD.-Prof Ashley Duits i dr. Izzy Gerstenbluth a kontesta un karta di dr. Van den Bossche. Duits i gerstenbluth ta bisa ku e publikashon dr.van den Bossche a kousa inkietut bou di sierto hendenan den nos poblashon pa loke ta trata e programa di bakunashon ademas el a sòru pa trese konfushon bou di profeshonalnan médiko di Karibe ulandes.
E profeshonalnan lokal a splika van den Bossche ku nan si ta mantene nan mes na kódigo di kondukta sientífiko basá riba rigor, respetá i responsabilidat. Ku otro palabra tur argumentashon mester ta basa riba informashon sano ku a keda publiká den publikashonnan rekonose di profeshonalnan pues e argumentashon no por ta basá riba opinion sin base. Buska e bèrdat ta muchu mas ku krea konosementu i na mes momentu e ta enserá lucha kontra mentira na un forma étiko. E profeshonalnan ta spera ku van den Bossche tambe lo por tene su mes na kódigo di étika sientífiko i evitá tiradanan, atakenan verbal kontra otronan.
A code of ethics for scientists. Pang CL. Lancet. 2007 Mar 31; 369(9567): 1068.
A code of ethics to get scientists talking. Nature. 2018 Mar 1; 555(7694): 5., WEF Code of ethics 2018
Gerstenbluth: Tur hende ta kansá
Duits i Gerstenbluth den kontesta na van den Bossche a mustra ku vários di e argumentonan presentá, pa defendé e ponensia di van den Bossche ku infekshon natural ta e úniko manera efektivo pa atendé ku e pandemia i ku bakunashon ta trese un riesgo haltu, no ta keda sostené pa data sientífiko. Ni informashon di salubridat publiko, imunológiko i virológiko no ta sostené e informashon ku van den Bossche ta trese dilanti.
Data di salubridat publiko, publiká den publikashonnan sientífiko, a proba ku bakunashon ta un paso fundamental pa elimina menasanan durante di un pandemia i tambe pa prevení ku mutuashon di e vírus ta sigui i asina produsí mas variante. Van den Bossche ta proponé pa laga e pais logra ‘herd immunity’ esta ku gran mayoria di hende den e pais ta resistente kontra di e vírus, permitiendo pa mas hende keda infektá ku e vírus, mester keda rechasá debí na riesgo haltu i hopi morto ku esaki lo kousa. Tantu Manuas, Brasil komo India ta dos bon ehèmpel kiko ta sosodé ora ku no bakuna i no tuma medidanan di prekoushon. Pa logra protekshon pa medio di bakunashon a proba di ta efektivo.
Duits i Gerstenbluth ta bisa ku nan si ta kere ku bakunashon ta e solushon pa atendé di forma eksitoso ku e pandemia. E pensamentu pa laga e vírus plama i pa dependé di e kurso natural pa logra imunidat no ta un bon opshon. Mester rechasá esaki debí ku su konsekuensianan ta desastroso.
Israel ta un di e promé paisnan ku a introdusí un programa di bakunashon, hasiendo uso di Pfizer kombiná ku un maneho di salubridat publiko stringente na desèmber 2020. Nan a dokumentá i publiká nan informashon i for di esei por saka afó ku nan a logra ku 70% di nan poblashon ta bakuna. Porfin e pais a kuminsá relahá, permitiendo nan siudadanonan di hiba un bida normal. Kòrsou na sierto momentu a bira e isla den Karibe ku mas kaso promedio pa kada 100.000 habitante. Medidanan severo di salubridat a mustra redukshon mesora di e kantidat di hende kontagiá. Banda di esei tin e programa di bakunashon ku tambe ta kanando bon ya ku despues di apénas 2 siman kasi 50% di e poblashon ta bakuna.
Laga un komentario